Straumborg stofnar fjárfestingarfélag á sviði orkuiðnaðar og náttúrulegra auðlinda > Norvik hf. > Norvík

Straumborg stofnar fjárfestingarfélag á sviði orkuiðnaðar og náttúrulegra auðlinda

- Byrjar með 5 milljarða í olíuleitar- og vinnslufélögum

Á Causeway-svæðinu í Norðursjó er nú áætlað að finna að lágmarki 25 milljónir tonna af nýtanlegri olíu. Fjárfestingarfélag Jóns Helga Guðmundssonar og fjölskyldu, Straumborg ehf., hefur ásamt fyrrverandi framkvæmdastjóra þess, Gunnlaugi Jónssyni, stofnað félagið Lindir Resources hf., fjárfestingarfélag á sviði orkuiðnaðar og náttúrulegra auðlinda.

Félagið hefur keypt af Straumborg hluti þess í þremur olíuleitar- og vinnslufélögum sem eru aðilar að fjölda olíuleitar- og vinnsluheimilda víðs vegar um heim. Tvö þessara félaga eru staðsett í Noregi og eitt í Kanada. Verðmæti eignar Linda Resources í félögunum þremur nemur um 5 milljörðum króna, en markaðsverðmæti félaganna þriggja er samtals um 130 milljarðar kr.