Starfsemi Norvikur hf. hófst árið 1962 með stofnun BYKO hf., sem nú er stærsta byggingavöruverslun Íslands og starfrækir 8 byggingavöruverslanir, timbursölur, leigumarkaði og lagnadeildir.
Árið 2000 voru gerðar skipulagsbreytingar hjá BYKO og tengdum fyrirtækjum til að skerpa sýn og gera fyrirtækin innan samsteypunnar betur í stakk búin til að takast á við framtíðina. Fram að þessu hafði BYKO hf. verið bæði rekstrarfélag um rekstur byggingavöruverslana og eignarhaldsfélag, en þar undir féllu ELKO ehf., Sia BYKO-LAT í Lettlandi, Axent ehf. og Smáragarður ehf. BYKO hf. var því skipt upp í tvö sjálfstæð félög, annars vegar BYKO hf. með alla starfsemi er lýtur að rekstri byggingavöruverslana, og hins vegar Norvik hf., sem varð eignarhaldsfélag samsteypunnar.
Í dag er Smáragarður ehf. rekið sem fasteignafélag utan Norvíkursamsteypunnar.
Árið 2003 keypti Norvik fyrirtækið Kaupás hf., sem var eignarhaldsfélag yfir Nóatúns-, 11-11 og Krónuverslanirnar ásamt Húsgagnahöllinni og Intersport verslununum.
Starfsmenn Norvikur samsteypunnar eru nú um 3.000 og eru höfuðstöðvar hennar að Bíldshöfða 20, Reykjavík (á efstu hæð Húsgagnahallarinnar).
Dótturfyrirtæki Norvíkur hf eru nú 14 talsins.
BYKO,
ELKO
Intersport
Húsaganahöllin
Nóatún
Krónan
11-11
Kjarval
Axent
EXPO
BYKO-Lat
Norwood
Continental Wood Products
Vika Wood